آه امير باچا مُنير

     امير باچا مُنير د هغې لارې مسافر وۀ چې هر بنيادم به په دغه ځي. خو د چا تلۀ د هغۀ د کور دپاره غم شي او د چا تلۀ د خپلو زرګونو پېژندګلو دپاره د غمونو يو داسې استاځے شي چې تر مودو مودو د خپلو خوږو مئينانو په زړونو کښې د غم ساندې وائي. په امير باچا منير د ادبي محفلونو رنګ او خوند شاړ، پيکه او بې خونده شو. هغه د هر ادبي محفل يو ژوندے خنده رويه د طنز و مزاح نه ډک بنيادم وۀ. د ١٩٧٠ خواوشا کښې په طورو کښې يوې درنې مشاعرې کېدو نه پس ګران محترم اجمل خټک صاحب يوه غونډه د اولسي ادبي ټولنې په نامه جوړه کړه او امير باچا منير ئې د دغې ټولنې صدر وټاکۀ چې ټولو غړو پرې دعا د خېر وکړه. د دې ټولنې درز تر لرې لرې خور شو او ورسره د امير باچا مُنير نوم په ادبي اسمان لکه د پړقېدونکي ستوري وځلېد. داسې غونډه، مشاعره، غم ښادي نۀ وه چې منير صاحب به پکښې نۀ وۀ. د هغۀ ګډون د هر محفل ښکلا، ښائست او رنګيني وه.

     په ٢٧ ستمبر ٢٠٠٨ د خالي په ورځ يولس بجې ئې جنازه وشوه او بيا خاورو ته وسپارلے شو.

الله پاک دې د هغۀ روح ته سکون او بخښانه نصيب کړي او خپل رحمتونو دې پرې نازل کړي او د هغۀ ځوي کوثر منير او نورو پس ماندګانو ته دې په دې لوئے غم د صبر کولو توفيق ورکړي.                               آمين ثم آمين

پښتانۀ د تهذيب په چپو کښې

     د ډاکټر باقي دراني دا تحقيقي او معلوماتي کتاب د صحاف نشرياتي موسسې کوئټې له اړخه چاپ شوے  او خور شوے دے. قيمت ئې درې سوه روپۍ دے. د ذکر شوې موسسې نه ئې تر لاسه کولے شئ.

(اداره)

غمرازي

د پاڅون اداره د اردو  د لوئي شاعر او اديب خاطر غزنوي په مرګ د غم او افسوس اظهار کوي او د هغوي د بخښانې دعا کوي.                                                                                           (اداره)

د مشهور افسانه نګار طاهر اپريدي د  افسانو نوې مجموعه

(د څو لحظو لويه قصه)

د جرس ادبي جرګې کراچۍ له خوا چاپ او خوره شوه. بيعه ئې يو سل لس روپۍ ده او د هر مشهور کتاب فروش نه تر لاسه کېدے شي.

                                                                         (اداره)

مبارکي

د پښتونخوا ادبي او ثقافتي ملګرو له اړخه د پاڅون د ادارې غړو محترم اصغر لالا او اندېش شمس القمر ته بالترتيب د بهترين اديب او بهترين شاعر په ايوارډ ورکولو د خوشحالۍ څرګندونه کوي او مبارکي ورکوي.

پختونون کے لوک رقص

     د ځلمي ليکوال امين تنها (پي اېچ ډي سکالر) د اردو کتاب ( پختونون کے لوک رقص)  د لوک ورثه اسلام اباد په مرسته د پښتو اکېډمۍ پېښور چاپ او خور کړو. بيعه ئې سل روپۍ ده. د لوک ورثه اسلام آباد او پښتو اکېډمۍ پېښور نه تر لاسه کېدے شي.

                                                                 (اداره)

په تيرو ورځو کښې د مردان په کېنټ بېکرۍ کښې شوې خونړۍ چاودنه کښې د پښتو ژبې شاعر شاهد انور شاهد شهيد شوے وۀ د هغۀ په مرګ د پاڅون اداره غمرازي کوي او د هغۀ د وارثانو دپاره د صبر دعا کوي.

                                                                                                                                     (اداره)

روښانه سباوون

     د ځلمي شاعر عبدالحميد زاهد وړومبۍ شعري مجموعه (روښانه سباوون) د پښتو ادبي ټولنې (تخت بۍ) مردان خوره کړې ده. د پښتو اکېډمۍ پېښور د بک سټال او د سنګر اېګرو سروسز مغل مارکيټ تراړي چوک اسلام اباد نه ئې په يو سل دېرش روپۍ تر لاسه کولے شئ. 

يخ يون

     دا د مشهور ليکونکي شهباز محمد د ملاکنډ ډويژن د يخو علاقو سفرنامه ده چې د تاڼې ادبي ټولنې ملاکنډ له خوا چاپ او خوره شوې ده. قيمت ئې سل روپۍ دے او د هر مشهور کتب فروش نه تر لاسه کېدے شي.                 (اداره)

هر بلبل به دې ثنا کړه کۀ تۀ ګل شې

     د محترم همېش خليل د پلاټينم جوبلي په دستوره کښې اورولې شوې مقالې د شېر احمد خليل، همېش ملګري پښتونخوا له اړخه په کتابي شکل کښې چاپ شوې. د پښتو اکېډمۍ پېښور او يونيورسټي بک اېجنسۍ پېښور نه تر لاسه کېدے شي.        (اداره)

غمرازي

     د پاڅون د ادارې غړي د مشهور شاعر ميا عبدالرحمان لُوګي او د مشهور شاعر او اديب پروفېسر محمد اسرائيل اشنا په وفات د غم او دړد څرګندونه کوي او د مرحوم دپاره د بخښانې او د هغۀ د پس ماندګانو دپاره د صبر دعا غواړي.  آمين. 

♣♣♣

 اوتر احساس

     د مشهور شاعر روح الله دراني وړومبۍ شعري مجموعه د مرکزي پښتو ادبي جرګې نوښار پښتونخوا له اړخه چاپ او خوره شوه. بيعه ئې يو سل پنځوس روپۍ ده.

(اداره)

(اداره)